Koronavirusni yuqtirish bo‘yicha yangi rekord
O‘tgan bir kecha-kunduzda koronavirusga chalinganlar soni qariyb 260 ming kishini tashkil etdi. Bu haqda Jahon sog‘liqni saqlash tashkiloti ma’lum qildi.
Kuni kecha JSST 17-iyul kuni aniqlangan 237 743 ta yangi COVID-19 holati pandemiya boshlangandan beri qayd etilgan eng yuqori ko‘rsatkich hisoblanishini ta’kidlagandi. Shu tariqa rekord atigi bir kundan so‘ng yangilandi.
Aniqlanishicha, o‘tgan 24 soat ichida dunyo bo‘yicha 259 848 ta yangi kasallanish va 7 360 ta o‘lim holati qayd etildi. JSSTning tasdiqlangan ma’lumotlariga ko‘ra, umumiy kasallanganlar soni dunyo bo‘yicha 13 876 441 kishiga yetgan, 593 087 nafar bemor vafot etdi. Kasallanishlar soni bo‘yicha Shimoliy va Janubiy Amerika hamda Yevropa davlatlari oldinda bormoqda — 7,3 va 3 million kishi.
Yangi tipdagi koronavirus chaqirgan COVID-19 pnevmoniya tarqalishi ilk bor 2019-yil dekabrda Xitoyning Uxan shahrida qayd etilgan. 11-mart kuni JSST pandemiyani e’lon qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter