Prezident maslahatchisi Abdujabbor Abduvohidov lavozimidan ozod etildi
Abdujabbor Abduvohidov.
O‘zbekiston prezidentining ta’lim va sog‘liqni saqlashga mas’ul 65 yoshli maslahatchisi Abdujabbor Abduvohidov lavozimidan ozod etildi.
Kun.uz manbasiga ko‘ra, bu haqda bugun, 25-avgust kuni Prezident administratsiyasi rahbari Sardor Umrzoqov o‘tkazgan yig‘ilishda ma’lum qilingan. Umrzoqov aholining juda ko‘p e’tirozlari aynan ta’lim va tibbiyotga oid ekanini ta’kidlagan.
Abduvohidov 2018-yil 27-avgustda prezident maslahatchisi etib tayinlangan edi.
Abdujabbor Abduvohidov tayinlovga qadar tashqi ishlar vaziri o‘rinbosari, Jahon iqtisodiyoti va diplomatiya universiteti rektori lavozimida faoliyat ko‘rsatgan. 2002−2011-yillarda Toshkentdagi Xalqaro Vestminster universiteti rektori, 2011−2012-yillarda Jahon iqtisodiyoti va diplomatiya universiteti rektori, so‘ngra prezident huzuridagi Davlat boshqaruv akademiyasi rektori bo‘lib faoliyat ko‘rsatgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter