Frank Riberi futbolchilik faoliyatini yakunladi
Yevropa chempionlar ligasi g‘olibi, fransiyalik yarimhimoyachi Frank Riberi futbolchilik faoliyatini yakunladi. Bu haqda u Instagram orqali xabar berdi.
«To‘p to‘xtaydi, mening tuyg‘ularim esa — aksincha. Mana shu ajoyib sarguzasht uchun barchaga rahmat», — deb yozdi Riberi to‘rt tilda (fransuz, nemis, ingliz, italyan tillarida).
2022/2023-yillar mavsumini 39 yoshli Riberi Italiyaning «Salernitana» jamoasida boshlagandi.
Frank Riberi Myunxenning «Bavariya» jamoasidagi o‘yinlari bilan ko‘proq esda qoladi. Ushbu jamoa bilan 2012/2013-yillar mavsumida Yevropa chempionlar ligasida va Klublar o‘rtasidagi jahon chempionatida, 2013-yilda UEFA Superkubogida zafar quchgan, 9 marta Germaniya chempionati g‘olibi bo‘lgan. Fransiya terma jamoasi tarkibida 2006-yilgi jahon chempionati kumush medalini qo‘lga kiritgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter