Nodirbek Abdusattorov yana peshqadam bo‘lib oldi
Niderlandiyaning Veyk-an-Zeye shahrida shaxmatning klassik yo‘nalishi bo‘yicha 86-xalqaro «Tata Steel Chess-2024» turniri davom etmoqda.
Kuni kecha musobaqaning to‘qqizinchi partiya bellashuvlari o‘tkazildi. Unda o‘zbekistonlik grossmeyster Nodirbek Abdusattorov niderlandiyalik Yorden van Forestga qarshi dona surdi. Hamyurtimiz ushbu bahsda g‘alaba qozonib, yana turnir jadvalida peshqadamga aylanib oldi.
Nodirbek bugun niderlandiyalik yana bir shaxmatchi — Maks Varmerdamga qarshi dona suradi.
Eslatib o‘tamiz, Nodirbek avvalroq ham turnir peshqadamini mag‘lub etib yetakchi bo‘lib olgandi, biroq keyingi turdagi mag‘lubiyat uni biroz pastki pog‘onaga tushirgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter