Nokautchi bokschimiz yengilmas raqibini uchinchi raunddayoq nokautga uchratdi

Hozirgina bokschimiz Shohjahon Ergashev AQShda o‘zining navbatdagi jangini o‘tkazdi.
Nyu-York shahridagi «Turning Stone Resort Casino» arenasida o‘tkazilgan boks kechasida hamyurtimizga hali birorta jangini boy bermagan bokschi amerikalik Soni Fredrikson (18-0, 12 KOs) raqiblik qildi.
Sakkiz raundga mo‘ljallangan jangning dastlabki raundlaridan bokschimiz ustunlikni qo‘liga oldi.
Uchinchi raundda Shohjahon keskin hujumga o‘tdi va o‘zining ketma-ket aniq zarbalari bilan raqibini texnik nokautga uchratdi.
Bu Shohjahon Ergashevning professional ringdagi 12-g‘alabasi bo‘ldi. E’tiborlisi, u janglarining barchasini muddatidan avval nokaut bilan yakunlagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter