Нокаутчи боксчимиз енгилмас рақибини учинчи раунддаёқ нокаутга учратди
Ҳозиргина боксчимиз Шоҳжаҳон Эргашев АҚШда ўзининг навбатдаги жангини ўтказди.
Нью-Йорк шаҳридаги «Turning Stone Resort Casino» аренасида ўтказилган бокс кечасида ҳамюртимизга ҳали бирорта жангини бой бермаган боксчи америкалик Сони Фредриксон (18-0, 12 KOs) рақиблик қилди.
Саккиз раундга мўлжалланган жангнинг дастлабки раундларидан боксчимиз устунликни қўлига олди.
Учинчи раундда Шоҳжаҳон кескин ҳужумга ўтди ва ўзининг кетма-кет аниқ зарбалари билан рақибини техник нокаутга учратди.
Бу Шоҳжаҳон Эргашевнинг профессионал рингдаги 12-ғалабаси бўлди. Эътиборлиси, у жангларининг барчасини муддатидан аввал нокаут билан якунлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter