Parij-2024. Basketbol turnirida tarixiy kambek amalga oshdi
6-avgust kuni Serbiya basketbol bo‘yicha erkaklar terma jamoasi Olimpiya o‘yinlari tarixidagi eng yirik kambekni amalga oshirdi. Avstraliyaga qarshi o‘yinda «-24 ochko» farq bilan ortda borayotgan serblar iroda ko‘rsatib g‘alaba qozonishdi va turnirning yarimfinaliga yo‘l olishdi.
Asosiy vaqtda muvozanatni tiklagan Serbiya overtaymda g‘alaba qozondi, hisob — 95:90.
Avvalgi rekord Barselona (1992) olimpiadasida o‘rnatilgan, MDH terma jamoasi basketbolchilari Litvaga qarshi o‘yinda 12 ochkolik farqni yo‘qqa chiqarib zafar quchishgan (92:80).
Yarimfinalda Serbiya NBA yulduzlaridan iborat AQSh bilan to‘qnashadi. Final yo‘llanmasi uchun ikkinchi bahs Germaniya va Fransiya o‘rtasida kechadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas