Kilian Mbappe yana bir bor «Real Madrid»ning nazariga tushdi. La Gazzetta dello Sport nashriga ko‘ra, klub Mbappe uchun milliard yevro sarflashga tayyor.

«Bunga uning transfer narxi, maoshi, komissiyalari va futbolchining imij huquqlari kiradi», – deya aniqlik kiritmoqda nashr.

Qayd etilishicha, 630 million yevro Mbappening keyingi to‘rt mavsumdagi maoshi bo‘ladi, transfer narxi, transfer bonusi va komissiyalar esa 150 million yevro.

«Real Madrid» prezidentining fikricha, Mbappe kelajakda jamoani boshqarishi kerak. Xabar qilinishicha, Florentino Peres o‘zining yaqinlariga parijlik futbolchi uchun katta mablag‘ sarflashga tayyorligini aytgan.

«PSJ» hujumchisi esa klub bilan shartnomasi bir necha oy muqaddam imzolanganiga qaramay, «Park de Prens»ni tark etishni o‘ylayapti.

Ma’lumot uchun, Fransiya chempionatining yangi mavsumida Mbappe 14 o‘yin o‘tkazib, 12 ta gol urdi va 2 ta golli uzatmani amalga oshirdi. Qatarda bo‘lib o‘tgan 2022-yilgi jahon chempionatida esa 8 marta raqiblar darvozasini ishg‘ol qilib, turnir to‘purari bo‘ldi. Finalda Argentinaga qarshi o‘yinda u uchta gol urdi.