Xalqaro universiada 2022-yilda o‘tkazilmaydi
Xitoyning Chendu shahrida 2022-yilda xalqaro universiada musobaqalari o‘tkazilishi kerak edi. Ushbu musobaqalar 2023-yilga ko‘chirilgani haqida Xalqaro universitet sporti federatsiyasi (FISU)ning matbuot xizmati xabar berdi.
«FISU a’zolari va Chendudagi o‘yinlar tashkilotchilari bilan uzoq muzokaralardan so‘ng ushbu qaror qabul qilindi», — deyiladi xabarda.
E’tiborli jihati, Xitoy universiadasi muddati ikkinchi marta ko‘chirilmoqda. Tokio olimpiadasi bir yilga kechikkanidan so‘ng, Chendudagi musobaqalar 2021-yildan 2022-yilga surilgandi.
FISU hozirgi ko‘chirish sababini Xitoyda pandemiya borasidagi qaltis vaziyat bilan izohladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter