Yosh xokkeychilarimiz JCh III divizion A guruhi yo‘llanmasini qo‘lga kiritdi
Xokkey bo‘yicha O‘zbekiston U18 o‘smirlar terma jamoasi tarixda birinchi marta jahon chempionatida ishtirok etdi. Tailandda bo‘lib o‘tgan jahon chempionatining III divizion B guruhi o‘yinlari o‘zbekistonliklar uchun muvaffaqiyatli yakunlandi.
O‘zbekiston o‘smirlari hal qiluvchi bahsda Tailandni 3:2 hisobida mag‘lub etib, jahon chempionati III divizion A guruhi yo‘llanmasini qo‘lga kiritdi.
Bundan oldingi o‘yinlarda o‘zbekistonliklar Janubiy Afrikani 12:0, Lyuksemburgni 12:1, Turkmanistonni 8:2 va Bosniyani 11:3 hisobida yenggan edi.
O‘zbekiston U18 terma jamoasiga latviyalik Normunds Seyeys bosh murabbiylik qildi.
Rustam Ergashev turnirning eng yaxshi darvozaboni bo‘ldi. Jasurbek Rustamxonov eng yaxshi hujumchi deb topildi, uning hisobida 14 ta gol va 8 ta assist bor. Musobaqaning eng sermahsul hujumchisi turkmanistonlik Sultonhamit Vahitov bo‘ldi — 17 ta gol va 7 ta assist.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter