Ekologiya, atrof-muhitni muhofaza qilish va iqlim o‘zgarishi vazirligi tasarrufidagi «Chotqol» davlat biosfera qo‘riqxonasiga tutash 32 859,89 gektar hamda «Oqtog‘-Tomdi» davlat qo‘riqxonasiga tutash 28 500 gektar hududda ularning qo‘riqlanma zonalari belgilandi. Bu O‘zbekiston Respublikasi Vazirlar Mahkamasining 2025 yil 5 martdagi 142-sonli Qarorida belgilab qo‘yilgan.

Inson tabiatdan ancha uzoqlashib ketdi. Bugun biz yovvoyi tabiat nima ekanligini deyarli bilmaymiz. Ayiq quvsa nima qilish kerak? Dunyoda 5-6 mingtagina qolgan qor qoploni odamga ko‘rinadimi? Silovsin nima ovlab kun ko‘radi? Qizil sug‘urning noyobligi nimada? Umuman, bu hayvonlar qanday joylarda kun kechiradilar? Biz bu savollarning javobini bilmaymiz.

Bugun Xalqaro qo‘riqxonalar va milliy bog‘lar kuni nishonlanmoqda. Sana 1997 yilda Yovvoyi tabiatni muhofaza qilish markazi va Butunjahon yovvoyi tabiat fondi tashabbusi bilan tashkil etilgan.