2025-yilga kelib texnologiyalar shu darajaga yetdiki, endi suratlaringizni tarqatishda ehtiyot bo‘lasiz, deb xabar bermoqda  tut-news.ru nashri.

Texnologiya suratingiz ustiga bir ikki marta «teginish» orqali siz haqingizdagi barcha ma’lumotlarni aniqlash mumkin.

Kvant sun’iy yo‘ldoshlari tufayli 10 sm.gacha joylashgan aniq joyingiz koordinatalaringizni (lokatsiyadan ko‘ra aniqroq) aniqlab beradi.

Agar surat aqlli soat yoki sensorli ko‘zoynak bilan olingan bo‘lsa sizning biometrikangiz ya’ni yurak urishi tezligi va stress darajasi metadatada qayd etiladi.

Sun’iy intellekt fotosuratning tabiiy yorug‘likda yoki laboratoriyada olinganini biladi, bu esa soxta narsalarni aniqlashga yordam beradi.

Sun’iy intellekt his-tuyg‘ulardan DNK izlariga qadar 98% aniqlik bilan aniqlaydi. Neyron tarmoqlar mushaklarning mikro-harakatlarini tahlil qiladi, hatto bostirilgan tajovuz yoki qo‘rquvni ham nazardan chetda qoldirmaydi. Bu usul sug‘urta kompaniyalariga rosa qo‘l keladi.

Avval tabiblar tomiringizni ushlab yoki qaysidir apparat sog‘lig‘ingizdagi muammolarni imkon qadar aniqlardi. Endi suratingizga qarab, virtual salomatlikni aniqlash aqlli intellekt uchun bir lahzalik ish: algoritmlar terida (toshma, sariqlik) va ko‘zda (katarakta, diabet) kasallikning dastlabki belgilarini aniqlaydi.

DNK izlarini yashirishning imkoni yo‘q: TouchDNA texnologiyasi telefon yoki kamera yuzasidan genetik materialni olish imkonini beradi, agar surat egasi unga tegingan bo‘lsa.

FaceCheck Pro 2025 ilovasi ijtimoiy tarmoqlardagi fotosuratlarni skanerlaydi va ularni tibbiy ma’lumotlar bazalari bilan taqqoslaydi.

Aqlli algoritmlar mebel va jihozlar brendlari bo‘yicha intererni aniqlaydi. Yandeks karta xizmati derazadan ko‘rinishni sun’iy yo‘ldosh tasvirlari ma’lumotlar bazasi bilan taqqoslash orqali avtomatik ravishda manzilingizni ko‘rsatadi.

Ko‘zlaringiz va derazalardagi akslar orqali aqlli intellektlar monitorlardagi matnlarni, bank kartalari raqamlarini yoki hujjatlardagi QR kodlarni kattalashtiradi va taniydi.

Endi sun’iy intellekt hayot tarzingizni sizdan yaxshiroq biladi: Google Lens kabi tizimlar muzlatgichingizdagi oziq-ovqat, kiyim-kechak, zargarlik buyumlari brendlariga qarab daromad va odatlarni bashorat qilishi mumkin.

Fakt: 2024-yilda xakerlar blogerning suratdagi quyoshdan saqlaydigan ko‘zoynakdagi aksidan uning kartasining PIN-kodini aniqlab, buzib kirishgan.

Xo‘sh, ma’lumotlaringiz haddan ortiq tashqariga chiqib ketmasligi uchun o‘zingizni qanday himoya qilishingiz kerak: Kamera sozlamalarida metama’lumotlarni yozishni o‘chiring, ya’ni: «maxfiylik → kamera → teglarsiz saqlash».

Bundan buyog‘iga har bir surat, reklama tizimlari sun’iy intellekt va firibgarlar uchun ma’lumotlar xazinasiga aylanadi. Suratni Internetga joylashtirishdan oldin, o‘ylab ko‘ring: surat orqasida qanday sirlaringiz yashiringanini butun olamga ochishga tayyormisiz?