50 yilga qamalgan erkak politsiya kiyimida qamoqdan qochib ketdi
Qotilligi va nomusga tajovuz qilganligi uchun qamalgan amerikalik jinoyatchi politsiya xodiminikiga o‘xshash formani kiyib qamoqdan qochib ketdi, deb xabar berdi Associated Press.
Grant Hardin 25-may kuni kamerasidan izsiz yo‘qolgan. Qamoqxona xodimlari qochish qanday yuz bergani haqida aniq tafsilotga ega emaslar. Taxminga ko‘ra, u politsiya xodiminikiga o‘xshash forma yasab, kiygan va qamoqxonani tark etgan (xuddi «Yarim tungi ekspress» (1978) filmi qahramoni kabi — tahr.). Hozir u qidiruvda.
Grant Hardin 2017-yilning oktyabrida qamalgan. U Geytuey suv ta’minoti boshqarmasining 59 yoshli xodimini o‘ldirganiga iqror bo‘lgan. Bundan tashqari, 1997-yildagi jinoyati ham yillar o‘tib fosh bo‘lgan: u maktab o‘qituvchisining nomusiga tekkan. Jami hisoblagan Hardin 50 yil qamoqda o‘tirishi kerak edi.
Qizig‘i, Grant Hardin 2016-yilning boshida to‘rt oy Arkanzasdagi Geytuey politsiyasi boshlig‘i lavozimida ishlagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter