AQShda mahsulotlarga talab pasayishi oqibatida, bu mamlakatga eksport bilan shug‘ullanuvchilar kelgusi ikki yilda qariyb $600 mlrd yo‘qotishi mumkin. Bu haqda «Eyler Tahlil texnologiyalari» global aktivlar bo‘yicha eksperti Barri Erlix RIA Novosti bilan suhbatda ma’lum qildi.

Eslatib o‘tamiz, Donald Tramp 2-aprel kuni 180 dan ortiq mamlakat importi uchun bojlarning yangi tizimini taqdim etdi. Asosiy stavka 10 foizdan boshlanadi, ayrim mamlakatlar uchun esa ancha yuqori foizlar qo‘llaniladi: masalan, Xitoy — 34 foiz, Vetnam — 46 foiz, Yevropa Ittifoqi — 20 foiz boj to‘laydi.

Erlixning aytishicha, ikki yil davomida AQSh qayta ishlash sanoati quvvati 4 foiz o‘sib, 82 foizgacha yetadi.

«Biz shuningdek narxlar yuqorilashi sababli amerikaliklar tomonidan iste’mol qisqarishini ham kutyapmiz, bu esa AQShga import umumiy holatiga va bu mamlakatga jahon eksportiga 600 mlrd dollar ko‘rinishida salbiy oqibatlarga olib keladi», — dedi ekspert.

Shu tariqa, 2024 yilda $3,3 trln bo‘lgan AQSh importi hajmi 18 foizga qisqarishi mumkin.

Tahlilchiga ko‘ra, AQSh YaIM o‘sish sur’ati 2025-2026-yillarda 0,3 foizga kamayadi.