Avstraliyada baliq yomg‘iri yog‘di
Avstraliyada mahalliy aholi baliq yomg‘iriga guvoh bo‘ldi, deb xabar berdi Daily Mail.
Tanami cho‘lida yashovchilarning aytishicha, g‘ayriodatiy tabiat hodisasi ularni hayratga solgan. Yomg‘ir boshlanishi bilan osmondan yomg‘ir tomchilariga qo‘shilib tirik baliqlar ham yog‘ilishni boshlagan.
«Bolalar baliqlarni terib, suv to‘la bankalarga solib qo‘yishdi», — dedi guvohlardan biri.
Mutaxassislarning aytishlaricha, baliq yomg‘iri daryo va ko‘llar orqali tornado yoki smerch o‘tishi natijasida yuzaga kelgan. Kuchli havo oqimi baliqlarni suv havvzalaridan so‘rib oladi, so‘ngra boshqa bir joyga uloqtirib tashlaydi.
Oxirgi marta bunday noyob tabiat hodisasi (baliq yomg‘iri) Avstraliyada 2010-yilning mart oyida sodir bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter