Britaniyada bolalarni COVID-19ga qarshi yoppasiga emlashdan voz kechishdi
Britaniya hukumati bolalarni koronavirus infeksiyasiga qarshi ommaviy emlashni amalga oshirish fikridan qaytishdi. Bu haqda «The Telegraph» gazetasiga tayanib «RIA Novosti» xabar bermoqda.
Ehtimoliy xavflar to‘g‘risida to‘liq ma’lumot olmaguncha voyaga yetmaganlar emlanmaydi, deb yozadi gazeta.
Istisno tariqasida, 12 yoshdan 15 yoshgacha bo‘lgan bolalar, xususan, koronavirusga ta’sirchan o‘smirlar preparatni qabul qilishlari mumkin.
Bolalarni yoppasiga emlashdan bosh tortish to‘g‘risida 19-iyul, dushanba kuni Angliyada koronavirus bilan bog‘liq barcha cheklovlar bekor qilinganda, niqob taqish va ijtimoiy masofa saqlash majburiy bo‘lmaganda rasman e’lon qilinadi.
12 yoshdan katta bolalarni emlash hozircha AQSh, Isroil va Fransiyada tasdiqlangan.
COVID-19ga ta’sirchan deb hisoblanuvchi o‘n olti yoshli o‘smirlar o‘zlarining «xavf guruhi» doirasida emlanish huquqiga ega.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter