Angela Merkelning o‘rnini kim egallaydi?
Bugun, shanba 16-yanvar kuni Germaniyada Angela Merkelning ehtimoliy vorisi saylanadi. Konservatorlarning ish boshlagan s’yezdida partiyaning yangi yetakchisi aniqlanadi. Ovoz berishda 1001 nafar deputat qatnashadi.
Xristian-demokratlar ittifoqi rahbarligiga uch nafar nomzod da’vogar — fraksiyaning Bundestagdagi sobiq rahbari Fridrix Mers, Shimoliy Reyn-Vestfaliya bosh vaziri Armin Lashet hamda Bundestagning tashqi siyosat qo‘mitasi rahbari Norbert Ryottgen.
So‘rovnomaga ko‘ra, yaqqol peshqadam yo‘q, barcha nomzodlarning imkoniyatlari deyarli teng.
Ushbu s’yezd 2020-yil aprelida o‘tishi kerak edi, biroq pandemiya sababli kechiktirildi. Hozirgisi ham koronavirus sababli ilk marotaba onlayn o‘tkazilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas