Chernogoriya prezidenti iste’foga chiqarilishi mumkin
Milo Jukanovich.
Chernogoriya prezidenti Milo Jukanovich iste’foga chiqarilishi mumkin. RTCG telekanali xabar berishicha, impichment jarayoni o‘tkazilishi uchun parlamentdagi 80 nafar deputatning 41 nafari ovoz bergan.
Jukanovich bo‘lajak bosh vazir nomzodi bo‘yicha maslahatlashuvlarga parlamentdagi barcha partiyalarni taklif qilmasdan, mamlakat konstitutsiyasining 95-moddasi 5-bandini buzgan.
Deputatlar tasdiqlagan hujjat asosida «prezidentning konstitutsiyani buzganlik holati» o‘rganiladi va uning iste’fosi masalasi ko‘riladi.
Ma’lumot uchun: Milo Jukanovich (1962-yil tug‘ilgan) — kichik tanaffuslarni hisoblamaganda, deyarli 1991-yildan beri Chernogoriyani boshqarib keladi. 29 yoshidayoq hukumat rahbari bo‘lgan: Yugoslaviya ittifoqchi republikasi tarkibidagi Chernogoriya bosh vaziri (1991–1998) va prezidenti (1998–2002); 2003–2006, 2008–2010, 2012–2016-yillarda — mustaqil Chernogoriya bosh vaziri. 2018-yil 20-maydan beri — Chernogoriya prezidenti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter