Entoni Bilinken Ukrainaga F-16 samolyotlari qachon berilishi haqida gapirdi
AQSh Ukrainaga F-16 qiruvchi samolyotlarini yuboradi, biroq ularni yetkazib berish bir necha oy davom etishi mumkin. Bu haqda AQSh davlat kotibi Entoni Blinken ma’lum qildi.
«F-16 bo‘yicha qaror ertaga qabul qilingan taqdirda ham, samolyotlar qo‘llanila boshlanishiga bir necha oy kerak bo‘ladi. Gap mashg‘ulotlar, texnik xizmat ko‘rsatish, ularni qo‘shma qurolli operatsiyalarda qo‘llash imkoniyatlari mavjudligi haqida bormoqda. Bularning barchasi vaqt talab etadi», deb ta’kidladi Blinken.
Ukraina Amerika qiruvchi samolyotlarini olishiga ishonadimi yoki yo‘qmi, degan savolga shunday javob bergan:
«Harbiy rahbariyatimiz ukrainaliklar uchun qaysi (qurollar) eng samarali ekanligini, ular qanchalik tez joylashtirilishi va ulardan qanchalik samarali foydalanish mumkinligini aniqlash uchun barcha imkoniyatlarni ishga solmoqda. Bu davom etadi, F-16 jarayoni oldinga siljiydi», – deydi Blinken.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter