Germaniya Ukrainaga 1,3 milliard yevrolik yangi yordam paketini taqdim etdi.

Prezident Vladimir Zelenskiy Germaniya Ukrainaga 1,3 milliard yevrodan ortiq qiymatdagi katta yordam paketini ajratganini e’lon qildi, deb xabar beradi «Ukrainskaya pravda».

Bu Zelenskiy va hozirda Kiyevga tashrif buyurgan Germaniya kansleri Fridrix Mers o‘rtasidagi qo‘shma matbuot anjumanida e’lon qilindi.

Zelenskiyning so‘zlariga ko‘ra, Germaniya paketi reaktiv dronlarga qarshi yangi tutqichlarni ishlab chiqarish uchun mablag‘larni o‘z ichiga oladi.

«Bu qurollar hozirda bizning energetika sektorimizni qo‘llab-quvvatlashga yordam beradi va bu juda muhim», deb ta’kidladi Zelenskiy.

Mersning qo‘shimcha qilishicha, taxminan 350 million yevro Ukraina energetika sohasiga yordam sifatida sarflanadi.

«Bu Ukrainaning havo mudofaasini sezilarli darajada mustahkamlaydi va bu yordam shoshilinch ravishda zarur. Bularning barchasi Rossiyaning Ukraina energetika infratuzilmasiga hujumlarining oqibatlarini yumshatishga yordam beradi va, eng avvalo, Ukraina xalqiga kelgusi qishdan omon qolishga yordam beradi», deb ta’kidladi Germaniya kansleri.