Olimlarning fikricha, iqlim o‘zgarishi hayvonlar duragaylarining paydo bo‘lishida rol o‘ynashi mumkin  deb xabar bermoqda ysia.ru nashri.

Yakutiyada mintaqa uchun atipik hayvonlar, qushlar, hasharotlar va o‘simliklar turlari paydo bo‘ldi. Olimlar buni yerdagi iqlim o‘zgarishi bilan bog‘lashadi.

Rossiya fanlar akademiyasi tadqiqotlar institutining yetakchi ilmiy xodimi Nikita Tananayevning so‘zlariga ko‘ra, birinchi navbatda iqlim o‘zgarishi flora olamiga ta’sir qiladi. Olimlar bu jarayonni Yakutiya hududida kuzatmoqdalar. Shu bilan birga, mintaqa faunasida ham ba’zi o‘zgarishlar yuz berdi, dedi mutaxassis.

Shunday qilib, Yakutiyada arktik kapalakning yangi noyob kichik turi paydo bo‘ldi. Arga-Tas tog‘ tizmasining yuqori qismida qora nuqta naqshli va kulrang qanotli hasharotlar topilgan, dedi ekolog.

foto: Roman Yakovlev va Yuriy Baxayev/TGU

Qutb ayiqlari yashaydigan Kolima daryosining quyi oqimida avval uchramagan jigarrang ayiq paydo bo‘lgan.  Kelajakda oq va jigarrang ayiq duragaylari paydo bo‘lishi ehtimoli bor, deyiladi xabarda.