Ispaniya chet elliklarga «oltin vizalar» berishni to‘xtatdi
Ispaniya shu yilning 3 aprelidan «oltin vizalar» berishni to‘xtatdi. Schengen nashrining yozishicha, ushbu dastur 2013-yildan beri amalda edi.
«Oltin vizalar», ya’ni mamlakatda yashash huquqini quyidagi holatlarda qo‘lga kiritish mumkin edi:
- ispan kompaniyalaridan birining 1 mln yevroga teng aksiyalarini sotib olish;
- davlat qimmatbaho qog‘ozlariga 2 mln yevro sarmoya kiritish;
- qiymati 500 ming yevrodan yuqori bo‘lgan ko‘chmas mulk sotib olish.
Yuqoridagilar orasida ko‘chmas mulkka sarmoya kiritish eng ommalashib ketdi.
Ispaniya turarjoylar qurilishi va shaharlarni rivojlantirish vaziri Isabel Rodrigesning aytishicha, «oltin vizalar» berishni to‘xtatish yuqori narxlar hamda mamlakatning ayrim joylarida taklif taqchilligi tufayli uy sotib olish imkoniyati cheklangan ispaniyaliklarga madad bo‘ladi.
AQShda esa, aksincha, boy migrantlar uchun «oltin karta» joriy etildi. Tramp unga 5 mln dollar narx qo‘ydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter