Mahachqal’a meri hibsga olindi
Mahachqal’a shahri meri vazifasini bajaruvchi Abusupyan Gasanov huquqni muhofaza qilish organlari xodimlari tomonidan qo‘lga olindi. U mansab vakolatini suiiste’mol qilishda gumonlanmoqda. Bu haqda «Lenta.ru» o‘z manbasiga tayanib xabar tarqatdi.
Oltmish to‘rt yoshli amaldor o‘z xizmat xonasida hisbga olingan, ayni paytda ishxonasi va xonadonida tintuv o‘tkazilmoqda. Dastlabki ma’lumotlarga qaraganda, u mahalliy budjetga 40 million rubl zarar yetkazganlikda ayblanishi ehtimoli katta.
Ilgari Dog‘iston transport vaziri vazifasida ishlagan A. Gasanov shu yilning yanvaridan Mahalchqal’a shahar meri vazifasini bajarib kelayotgandi. Ma’lumki, shaharning avvalgi rahbari M.Musayev ham mansab vakolatini suiiste’mol qilishda ayblanib qo‘lgan olingan, pirovardida, sud uni to‘rt yil muddatga ozodlikdan mahrum etgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter