Qirg‘izistonda davlat xizmatiga nomzodlar yolg‘on detektori orqali sinovdan o‘tkazilishi mumkin
Qirg‘izistonda davlat va munitsipal xizmatga nomzodlarni ishga qabul qilishda ularni poligraf orqali sinovdan o‘tkazishni rejalashtirmoqda. Bu haqda Qirg‘iziston Davlat xizmati va mahalliy boshqaruv bo‘yicha davlat agentligi direktori Kudaybergen Bazarbayev ma’lum qilgan.
«Shahar va davlat organlaridagi rahbarlik lavozimlariga ishga qabul qilinishidan oldin nomzodlar poligrafdan o‘tkaziladi. Bundan asosiy maqsad nomzodning korrupsiyaga moyilligini aniqlash.
Poligraf davlat va munitsipal xizmatchilar o‘rtasida korrupsiyaga qarshi kurashda qo‘llaniladi va boshqaruvga vatanparvarlarni jalb qilishga ko‘mak beradi», — dedi u.
Bazarbayevning ta’kidlashicha, tegishli me’yoriy-huquqiy hujjatlarni ishlab chiqish ishlari allaqachon boshlangan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter