Olimlar: Yer yuzida yangi okean paydo bo‘ladi
5-10 million yildan so‘ng Afrikaning sharqiy qismida tektonik yoriqlar natijasida yangi okean yuzaga kelishi mumkin, deydi amerikalik va britaniyalik olimlar. Bu haqda «NBC News» xabar bergan.
2005-yilda Efiopiya hududi sahrosidagi Afar hafzasi qayd etilgan. Uning uzunligi 56 kilometrni tashkil etadi. Britaniyaning Lids universiteti olimi Kristofer Murning so‘zlariga ko‘ra, bu joydagi kontinental rift okeanik riftga aylanadi.
Kaliforniyadagi Santa-Barbara universiteti geofizigi Ken Makdonaldning fikricha, yoriq paydo bo‘lgach million yillardan so‘ng Aden ko‘rfazi va Qizil dengiz Sharqiy-Afrika rift vodiysini suvga cho‘ktiradi. Buning natijasida yangi okean yuzaga keladi. Afrikaning sharqiy qismi esa o‘z navbatida alohida kichik qi’taga aylanadi, deya ta’kidlaydi olim.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter