Putin Baydenni g‘alaba bilan tabrikladi
Rossiya prezidenti Vladimir Putin demokrat Jo Baydenni AQSh prezidentligi uchun saylovdagi g‘alabasi bilan tabrikladi.
Bayden saylovchilarning g‘alaba uchun yetarli 270 ta minimum ovozidan 306 tasini olgan.
Putin o‘z telegrammasida Jo Baydenga har tomonlama muvaffaqiyat tilab, global xavfsizlik va barqarorlik uchun alohida mas’uliyatga ega Rossiya va AQSh, turlicha qarashlaridan qat’i nazar, hozir dunyo duch kelayotgan ko‘plab muammo va chorlovlarga real yechimlar topa olishiga ishonch bildirgan.
Vladimir Putinning fikricha, shu jihatdan Rossiya-AQSh hamkorligi har ikki mamlakat va xalqaro hamjamiyat manfaatlariga mos keladi. «O‘z navbatida, siz bilan o‘zaro hamkorlik aloqalariga tayyorligimni bildiraman», — deyiladi, jumladan, Rossiya prezidentining tabrik telegrammasida.
Eslatib o‘tamiz, Jo Bayden o‘z g‘alabasini 7-noyabrda e’lon qilganidan so‘ng 50 dan ziyod xorijiy davlatlar rahbarlaridan tabrik olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter