Rim papasining ahvoli og‘ir bo‘lib qolmoqda: tafsilotlar
Rim papasi nafas olish sohasidagi og‘ir kasallik sabab murakkab ahvolda qolmoqda.
Vatikanning ma’lum qilishicha, Papa Fransiskning "uzoq davom etgan astmaga o‘xshash nafas olish kasalligi"dan keyin ahvoli og‘irligigicha qolmoqda.
Bayonotda aytilishicha, 88 yoshli pontifik holati “kechagidan ham yomonroq” va unga qon quyilgan.
Vatikanning ta’kidlashicha, qon quyish anemiya bilan bog‘liq trombotsitlar darajasi pastligi sababli zarur deb topilgan.
Rim papasi 14-fevraldan beri Rimdagi Agostino Gemelli shifoxonasida qo‘shaloq pnevmoniyadan davolanmoqda. Bronxit bilan og‘riganidan keyin nafas olish qiyinligi sababli shifoxonaga yotqizilgan.
Kasalligi tufayli Rim papasi Fransisk o‘zining an’anaviy yakshanba kungi va’zini ketma-ket ikkinchi hafta o‘tkazib yuboradi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas