Rossiya «do‘st bo‘lmagan» davlatlar ro‘yxatini kengaytirdi
Rossiya hukumati do‘stona munosabatda bo‘lmagan xorijiy davlatlar ro‘yxatini kengaytirdi.
Qabul qilingan hujjatga ko‘ra, «do‘st bo‘lmagan» davlatlar uchun Rossiya hududida joylashgan elchixonalar, konsulliklar va davlat idoralarining vakolatxonalariga xodimlarni yollash imkoniyatini to‘liq taqiqlashgacha bo‘lgan cheklovlar nazarda tutilmoqda.
Kengaytirilgan ro‘yxatga quyidagi davlatlar ham kirdi:
- Gretsiya,
- Daniya,
- Sloveniya,
- Xorvatiya,
- Slovakiya.
Mart oyi boshida ushbu ro‘yxatga Avstraliya, Buyuk Britaniya, Yevropa Ittifoqi davlatlari, Islandiya, Kanada, Lixtenshteyn, Monako, Yangi Zelandiya, Norvegiya, Janubiy Koreya, San-Marino, Singapur, AQSh, Tayvan, Ukraina, Chernogoriya, Shveysariya va Yaponiya kiritilgan edi.
Rossiya hukumatiga ko‘ra, «do‘st bo‘lmagan» mamlakatlar ro‘yxati yakuniy emas va kengayishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter