Xitoy 10 oyda xorijiy mamlakatlarga salkam 4 millionta avtomobil sotgan
2023-yilning yanvar-oktyabr oylarida Xitoy 3,922 million dona avtomobil eksport qilgan, bu o‘tgan yilning shu davriga nisbatan 59,7 foizga ko‘p demakdir. Bu haqda Xitoy avtomobil ishlab chiqaruvchilar assotsiatsiyasi xabar berdi.
Oktyabr oyida 488 mingta mashina xorijiy mamlakatlarga yetkazib berilgan. Bu ko‘rsatkich 2023-yilning sentyabr oyiga nisbatan 9,8 foizga, o‘tgan yilning oktyabr oyiga nisbatan esa 44,2 foizga ko‘pdir.
Yanvar-oktyabr davomida mamlakatda 24,016 million dona yengil avtomobillar ishlab chiqarilgan bo‘lib, shundan 23,967 millionta mashina sotilgan. Birgina oktyabr oyining o‘zida ishlab chiqarilgan avtomobillar soni 2,89 million donani tashkil etadi, shundan 2,853 milliontasi sotilgan.
Avvalroq O‘zbekistonga 10 oyda 22,5 mingta elektromobil import qilingani, bu o‘tgan yilning shu davriga nisbatan 6,1 barobarga ko‘p ekani haqida xabar bergandik. Elektromobillarning 20,64 mingtasi (91,7 foizi) Xitoydan import qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter