ShHTda raislik Qozog‘istondan Xitoyga o‘tdi
Shanxay Hamkorlik Tashkilotiga raislik Qozog‘istondan Xitoyga o‘tdi va u yerda kelasi yili tashkilotning navbatdagi sammiti bo‘lib o‘tadi.
Bu haqda Qozog‘iston poytaxtida imzolangan ShHTga a’zo davlatlar rahbarlari kengashining Ostona deklaratsiyasida belilab qo‘yildi.
Qozog‘iston Ostonadagi sammitda ShHTga bir yillik raislikni yakunladi. Shu vaqt ichida tashkilot doirasida hamkorlikning turli yo‘nalishlarini qamrab olgan 150 dan ortiq tadbir o‘tkazilgan.
2025-2027 yillarga ShHT Bosh kotibi etib esa Nurlan Yermekbayev tayinlandi.
U 2022-yil 1-yanvardan boshlab bosh kotib lavozimini egallab kelayotgan Xitoy vakili Chjan Ming o‘rniga 2025-yil 1-yanvardan tashkilotni boshqaradi. Hozirda Ermekbayev ShHT Bosh kotibi o‘rinbosari lavozimida faoliyat yuritmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter