Tonga qirolligi: vulqon otilib, sunami yopirildi
Tonga qirolligiga (Tinch okeanining janubiy qismida joylashgan) sunami yopirildi, deb xabar berdi BBC News.
14 yanvar kuni ulkan Xunga-Tonga-Xunga-Xaapay suvosti vulqonining uyg‘onishi sunamini hosil qildi. Mamlakat geologiya xizmati ma’lumotiga ko‘ra, vulqondan ko‘tarilayotgan gaz, tutun va kul aralashmasining balandligi 20 kilometrga yetdi. Vulqon otilishining shovqini Yangi Zelandiyagacha yetib borgan.
Vulqon kuli tez orada qirollik poytaxti — bu yerdan atigi 65 kilometr olisda joylashgan Nukualofa shahrini qoplab olgan.
Vulqon otilishni boshlagach, sunami xavfi e’lon qilingan. Mitti mamlakatning qirg‘oqbo‘yi aholisi yoppasiga uylarini tark etishni boshlagan.
Tonga hukumati davlat rahbari, qirol Tupou VI ni Nukualofadagi qirol saroyidan xavfsiz hududga ko‘chirgani haqida CNN xabar berdi.
Avstraliya, Yangi Zelandiya va Okeaniyaning ayrim mamlakatlarida ham sunami xavfi e’lon qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter