Tramp Ilon Maskka yangi lavozim taklif qildi
Tramp biznesmen Ilon Mask va Respublikachilar partiyasidan prezidentlikka sobiq nomzod Vivek Ramasvamiga yangi tashkil etiladigan AQSh Hukumat Samaradorlik Departamentini (DOGE) birgalikda boshqarishni taklif qildi.
Yangi saylangan prezident, shuningdek, Pentagon va Markaziy razvedka boshqarmasining yangi rahbarlarini ham tayinladi.
AQShning yangi mudofaa vaziri Qo‘shma Shtatlar armiyasi faxriysi va Fox News telekanali boshlovchisi Pit Hegset bo‘ladi. Markaziy razvedka boshqarmasiga esa Milliy razvedkaning sobiq direktori Jon Ratkliff rahbarlik qiladi.
«Pit qattiqqo‘l, aqlli va haqiqatan ham Amerika birinchi o‘rinda bo‘lishi kerakligiga ishonadi. Pit boshchiligida Amerikaning dushmanlari ogohlantiriladi. Bizning armiyamiz yana buyuk bo‘ladi va Amerika hech qachon chekinmaydi», – degan Tramp o‘z bayonotida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter