Mayamilik kolleksioner Pablo Rodriges-Frayle AQShning sobiq prezidenti Donald Trampga o‘xshagan odam tasvirlangan qisqa videorolikni 6,6 million dollarga sotdi, deya xabar bermoqda Reuters.

Bunday san’at asarining haqiqiyligi va muallif huquqi maxsus belgi bilan tasdiqlanadi.

Animatsiya ko‘rinishida tayyorlangan videorolikda erkak va ayollar o‘tayotgan yo‘lakchali park tasvirlangan. Maysada Trampga o‘xshash bahaybat pape-mashe odam yotibdi va uning butun tanasiga har xil shiorlar yozib tashlangan. Bir payt ko‘k qush (Twitterni ifodalovchi) uchib kelib, unga qo‘nadi va sayraydi.

«G‘alabaning o‘g‘irlangani»ni da’vo qilgan Tramp Kapitoliydagi tartibsizlikdan bir necha kun o‘tib 6-yanvar kuni zo‘ravonlikni qoraladi. Noyabrdagi saylovlardan so‘ng darhol natijalarni sudda hal qilishga urinib ko‘rdi.

Donald Tramp, shuningdek, 20-yanvar kuni Baydenning inauguratsiyasida qatnashmadi, ammo hokimiyatni tinch yo‘l bilan topshirishini kafolatladi. Tadbir boshlanishidan sal oldin u rafiqasi bilan birga Floridadagi mulkiga jo‘nab ketdi. Jo Baydenning so‘zlariga ko‘ra, 45-prezident Oq uyda unga «ajoyib» xabar qoldirgan, ammo uning mazmuni oshkor etilmadi.

13-yanvar kuni Kongress Vakillar Palatasi Trampga impichment e’lon qilish to‘g‘risida qaror qabul qilishga ovoz berdi, ammo pirovard natijada u tasdiqlanmadi.

CROSSROAD
By @beeple

The #1/1 from beeple’s first NG drop has just resold on the secondary market for $6.6 million.

History has just been made.

Congrats to beeple and of course to @pablorfraile for the sale. pic.twitter.com/mTYG4VABSw

— Nifty Gateway (@niftygateway) February 25, 2021