Майамилик коллекционер Пабло Родригес-Фрайле AҚШнинг собиқ президенти Дональд Трампга ўхшаган одам тасвирланган қисқа видеороликни 6,6 миллион долларга сотди, дея хабар бермоқда Reuters.

Бундай санъат асарининг ҳақиқийлиги ва муаллиф ҳуқуқи махсус белги билан тасдиқланади.

Анимация кўринишида тайёрланган видеороликда эркак ва аёллар ўтаётган йўлакчали парк тасвирланган. Майсада Трампга ўхшаш баҳайбат папье-маше одам ётибди ва унинг бутун танасига ҳар хил шиорлар ёзиб ташланган. Бир пайт кўк қуш (Twitterни ифодаловчи) учиб келиб, унга қўнади ва сайрайди.

«Ғалабанинг ўғирлангани»ни даъво қилган Трамп Капитолийдаги тартибсизликдан бир неча кун ўтиб 6 январь куни зўравонликни қоралади. Ноябрдаги сайловлардан сўнг дарҳол натижаларни судда ҳал қилишга уриниб кўрди.

Дональд Трамп, шунингдек, 20 январь куни Байденнинг инаугурациясида қатнашмади, аммо ҳокимиятни тинч йўл билан топширишини кафолатлади. Тадбир бошланишидан сал олдин у рафиқаси билан бирга Флоридадаги мулкига жўнаб кетди. Жо Байденнинг сўзларига кўра, 45-президент Оқ уйда унга «ажойиб» хабар қолдирган, аммо унинг мазмуни ошкор этилмади.

13 январь куни Конгресс Вакиллар Палатаси Трампга импичмент эълон қилиш тўғрисида қарор қабул қилишга овоз берди, аммо пировард натижада у тасдиқланмади.

CROSSROAD
By @beeple

The #1/1 from beeple's first NG drop has just resold on the secondary market for $6.6 million.

History has just been made.

Congrats to beeple and of course to @pablorfraile for the sale. pic.twitter.com/mTYG4VABSw

— Nifty Gateway (@niftygateway) February 25, 2021