Австралия ўрмонларини қуршаб олган олган ёнғинлардан чиққан тутунлар Жанубий Америкагача етиб келди, хусусан, Чили марказий ва жанубий ҳудудлари осмони катта қисми қўнғир тутун билан қопланди. Бу ҳақда Чили метеорология хизмати твиттерда хабар берди.

En la imagen (RGB Color Verdadero del GOES-16) se aprecia el humo (color café tenue) proveniente de los incendios forestales de Australia. El humo ha sido transportado por el flujo de aire hasta Chile y Argentina #humo #incendiosforestales #AustralianBushfire pic.twitter.com/hutnrX6hWP

— MeteoChile (@meteochile_dmc) 6 января 2020 г.

«Ушбу тасвирларда Австралия ёнғинларидан пайдо бўлган оч қўнғир тусдаги тутунни кўряпсиз. Бу тутун ҳаво оқими орқали Чили ва Аргентинага етиб келди», — дейилади хабарда.

Австралияда ўтган йилнинг сентябрь ойида бошланган ўрмон ёнғинлари 5,1 миллион гектар майдонни эгаллаб олиб, 17 кишини ҳаётдан олиб кетди. Давлат ва федерал ҳукуматлар ўз кучлари ва хорижликлар ёрамида ёнғинга қарши курашмоқда. Аммо жазирама иссиқ, қурғоқчилик ва кучли шамол уларнинг ишини оғирлаштирмоқда. Материкдаги ёнғин кўлами шунчалик кенгки, ҳатто сунъий йўлдошларда ҳам яққол кўринади.