Буюк Британия Россияга талаб қўйди
Буюк Британиянинг Россиядаги элчиси Дебора Броннерт.
Буюк Британиянинг Россиядаги элчиси Дебора Броннерт Россия судининг мухолиф сиёсатчи Владимир Кара-Мурзага нисбатан ҳукмини бекор қилиш зарурлигини маълум қилди.
Бу ҳақда РИA «Новости» хабар бермоқда.
«Шок. Ҳукм Украинадаги урушга қарши дадил нутқдан кейин қўзғатилган иш бўйича ёпиқ суд жараёнининг натижаси бўлди. Биз Кара-Мурзанинг оиласини қўллаб-қувватлаймиз ва унинг озод этилишини талаб қиламиз», — деди у.
Шунингдек, Россиянинг Лондондаги элчиси Aндрей Келин Россия ва Британия фуқаролигига эга бўлган мухолифатчи сиёсатчи Владимир Кара-Мурзага чиқарилган ҳукм туфайли Британия Ташқи ишлар вазирлигига чақирилган.
Эслатиб ўтамиз, Москва суди Владимир Кара-Мурзани (хорижий агент деб топилган) давлатга хиёнат қилиш ва армия ҳақида фейк тарқатганликда айблаб, 25 йил муддатга қаттиқ режимли колонияга ҳум қилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter