Францияда янги президент сайланмоқда
Бугун, 10 апрел куни Францияда президентлик сайловлари бошланди.
Бугун сайловларнинг биринчи босқичи бўлиб ўтади – бу лавозим учун 12 номзод курашади. Амалдаги президент Эммануел Макрон ва Миллий фронт етакчиси Марин Ле Пен сиёсий жараённинг асосий фаворитлари сифатида кўрилмоқда. Учинчи ўринда эса сиёсатчи Жан-Люк Меланшон кўрсатилган.
Сайловчилар рўйхатида 48,7 миллион француз бор. Бутун мамлакат бўйлаб 70 мингга яқин сайлов участкалари ишлайди.
13 апрел куни Франция Конституциявий кенгаши биринчи тур натижаларини ва 24 апрелга белгиланган иккинчи турга чиқадиган икки номзодни тасдиқлаши керак.
Бир кун аввал Францияда ўтказилган сайловолди сўрови Макроннинг Ле Пендан 1 фоизга устунлигини кўрсатди.
«The Economist» журнали эса Макроннинг ғалаба қозониш имкониятини 100дан 77 га баҳолаган.
Эслатиб ўтамиз, 2017 йилда Макрон иккинчи турда Ле Пендан катта фарқ билан устун келганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter