Ҳавайи губернатори куйиб битган Мауи оролини қайта тиклашга ваъда берди
АҚШнинг Ҳавайи штати губернатори Жош Грин ўрмон ёнғинларидан жабр кўрган Мауи оролини тиклашга ваъда берди.
Унга кўра, бир кун аввал Лахайна шаҳридан яна уч кишининг жасади топилган. Шу тариқа Мауи оролидаги ёнғин қурбонлари сони 114 нафарга етди.
«Афсуски, мамлакатимиз сўнгги юз йилликдаги энг ҳалокатли ёнғинда бутун бошли шаҳарни йўқотди», деди губернатор.
Унинг сўзларига кўра, Мауи оролини тиклаш ишлари аҳолисининг хоҳиш-истакларини инобатга олган ҳолда амалга оширилади.
Мауи оролида 9 август куни бошланган ёнғин АҚШда сўнгги 100 йилдан ортиқ вақт ичида энг ҳалокатлиси бўлди. Кучли шамол туфайли ёнғин тезда тарихий Лахайна шаҳрига ўтиб, натижада у бутунлай ёниб кетди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter