Ҳиндистонда аёл эрини айиқ чангалидан қутқарди
Ҳиндистоннинг Одиша штатида аёл киши ваҳший айиққа қарши курашиб, турмуш ўртоғининг ҳаётини сақлаб қолди. Бу ҳақда NDTV нашри хабар берди.
Ўрмонга барг йиғиш учун борган эр-хотиннинг рўпарасидан тўсатдан олтита ёввойи айиқдан иборат тўда чиқиб қолган. Йиртқичлардан бири эркакка ташланиб, унинг боши ва танасига жиддий жароҳатлар етказган.
Шу пайт аёл ўзини йўқотмай, эрини ҳимоя қилиш учун қўлидаги танжия (маҳаллий болтасимон қурол) билан айиққа қаршилик кўрсатган. Жасур аёлнинг зарбаларидан сўнг яраланган йиртқич ўрмон ичкарисига қочиб кетган.
Воқеа жойига етиб келган қутқарувчилар жабрланувчини шифохонага етказишди. Шифокорларнинг айтишича, ҳозирда эркакнинг аҳволи барқарор ва у соғаймоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter