Испания чет элликларга «олтин визалар» беришни тўхтатди
Испания шу йилнинг 3 апрелидан «олтин визалар» беришни тўхтатди. Schengen нашрининг ёзишича, ушбу дастур 2013 йилдан бери амалда эди.
«Олтин визалар», яъни мамлакатда яшаш ҳуқуқини қуйидаги ҳолатларда қўлга киритиш мумкин эди:
- испан компанияларидан бирининг 1 млн еврога тенг акцияларини сотиб олиш;
- давлат қимматбаҳо қоғозларига 2 млн евро сармоя киритиш;
- қиймати 500 минг евродан юқори бўлган кўчмас мулк сотиб олиш.
Юқоридагилар орасида кўчмас мулкка сармоя киритиш энг оммалашиб кетди.
Испания тураржойлар қурилиши ва шаҳарларни ривожлантириш вазири Исабел Родригеснинг айтишича, «олтин визалар» беришни тўхтатиш юқори нархлар ҳамда мамлакатнинг айрим жойларида таклиф тақчиллиги туфайли уй сотиб олиш имконияти чекланган испанияликларга мадад бўлади.
АҚШда эса, аксинча, бой мигрантлар учун «олтин карта» жорий этилди. Трамп унга 5 млн доллар нарх қўйди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter