Испания элчиси ухлаб қолгани учун лавозимидан бўшатилди
Испания ташқи ишлар вазирлиги мамлакатнинг Белгиядаги элчиси Алберто Антонни зудлик билан ишдан олишга қарор қилди, деб хабар берди La Gaceta нашри.
Бунга сабаб — Мадриддаги элчилар анжуманида ташқи ишлар вазири Хосе Мануэл Албарес нутқ сўзлаётган пайтда дипломат ухлаб қолган.
Албарес Испаниянинг 2025 йилдаги ташқи сиёсати истиқболлари ҳақида қарийб бир соат маъруза қилган. Бу пайтда Антон эснагани ва ухлаб қолгани акс этган видеокадр тезда дипломатик корпус вакиллари ўртасида тарқалиб кетди. Журналистлар Шимолий Кореяда Ким Чен Ин иштирокидаги маросимда ухлаб қолган амалдор қатл этилганини ҳам эслаб ўтишди.
Люксембургда ишлаб келган Хосе Мария Родригес Косо Испаниянинг Белгиядаги элчиси этиб тайинланиши кутилмоқда.
Қизиғи, Алберто Антон 2022 йил сентябрида Брюсселга элчи бўлиб кетгунига қадар Дипломатия мактабида икки йил ишлаганидан сўнг бўшатилган экан, ҳолбуки, стандарт бўйича бу ерда тўрт йил ишлаб бериш талаб этилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter