Исроил Мудофаа Кучлари, Разведка бошқармаси, Миллий хавфсизлик агентлиги ва Жанубий Қўмондонлик билан биргаликда ўтказган операцияда 6 ҲАМАС денгиз қўмондони ўлдирилди. 

"Ўлдирилган жангарилар "Темир қиличлар" уруши даврида Исроил тинч аҳолиси ва хавфсизлик кучларига қарши денгизда терактлар уюштиришни режалаштирган. Ўлдирилганларнинг бир нечтаси 7 октябр куни шафқатсиз қирғинни режалаштиришда иштирок этган", — дея иддао қилинади Исроил баёнотида. 

Исроил ҳозирда ҲАМАС денгиз кучларига қарши ҳарбий амалиётлар олиб бормоқда. Улар “кўп сонли террор нишонлари”, жумладан, ҳарбий кемалар, қурол-яроғ омборлари ва ХАМАСга алоқадор бошқа активларни нишонга олмоқда. 

1 июл куни Исроил армияси Ғазо секторидаги ҳарбий амалиётини янги ҳудудларга кенгайтиргани ва ўнлаб “террорчилар ва юзлаб террор инфратузилма объектлари” йўқ қилингани ҳақида хабар бергани маълум бўлди. Исроил ҳарбий-ҳаво кучлари 24 соат ичида анклавдаги 140 та ҳарбий объектга ҳужум қилди.

Ушбу ҳужумларда ўнлаб тинч аҳоли вакиллари ҳам қурбон бўлмоқда. Ғазода қурбон бўлган тинч аҳоли сони 55 мингга яқинлашмоқда.