Колумбияда зилзила сабаб 250 нафардан ошиқ инсон ҳалок бўлди
Reuters агентлигининг хабар беришича, Колумбияда зилзила сабаб 254 киши қурбон бўлди. Ҳалок бўлганларнинг аксарияти Кали ва Перейрада бўлган.
Сўнгги хабарларга кўра, жароҳатланганлар сони 900 дан ошди. Чоко департаментидаги (Тинч океани соҳилида) бир нечта шаҳарлар электрсиз қолмоқда. Reuters хабар беришича, электр узилиши қутқарув ишларини мураккаблаштирмоқда. Уйлар вайроналари остида қолган одамлар сони номаълум.
10 август куни эрталаб Колумбияда 7,4 магнитудали зилзила содир бўлди. Зилзила эпицентри Колумбия ғарбий қисмидаги Сан-Хосе дел Пальмар шаҳридан 5 километр узоқликда жойлашган эди. Колумбиянинг марказий ва жанубу-ғарбий қисмининг бир нечта минтақаларида, шунингдек, Эквадор, Панама ва Венесуэлада ер ости фаоллиги сезилди.
Ўшандан бери камида 70 та афтершок қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter