Миландаги қариялар уйида юз берган ёнғинда 80 дан ортиқ киши жароҳат олди
Италиянинг Милан шаҳридаги қариялар уйида содир бўлган ёнғин оқибатида 80 дан ортиқ киши жабрланди. Бу ҳақда RaiNews телеканали хабар бермоқда.
Маълум бўлишича, ёнғин маҳаллий вақт билан 01:20 атрофида содир бўлган. Уч қаватли тиббиёт муассасасида 160 дан ортиқ одам бўлган, улардан 81 нафари касалхонага ётқизилган, касалхонага ётқизилган икки кишининг аҳволи оғир деб баҳоланмоқда.
Ҳодиса оқибатида олти киши ҳалок бўлган. Ҳалок бўлганлар орасида беш аёл ва бир эркак бор. Дастлабки маълумотларга кўра, ёнғин хоналардан бирида бошланган. Ёнғин юзасидан тергов бошланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter