NASA Ойга илк аёл ва қора танли астронавтни жўнатиш режасидан воз кечди
«Артемида-2» экипажи (чапдан ўнгга): Грегори Уайсмен (АҚШ), Виктор Гловер (АҚШ), Кристина Кук (АҚШ), Жереми Ҳансен (Канада).
NASA (АҚШ фазовий агентлиги) Ойга илк аёл киши ва қора танли эркакни жўнатиш режасидан воз кечди. Бу ҳақда The Guardian хабар берди.
Эслатиб ўтамиз, NASAнинг Artemis 2 («Артемида-2») дастурига кўра, Ойга 2027 йилда йилда астронавтлар жўнатилиши режалаштирилган ва бу 1972 йилдаги «Аполлон» миссиясидан сўнг инсон иштирокидаги иккинчи миссия бўлиши кутилаётганди.
Газета агентлик сайтининг Artemis саҳифасида «NASA Ойга илк аёл киши, биринчи рангли эркак ва илк халқаро астронавтни жўнатади, Ой сиртининг катта қисмини тадқиқ қилишда инновацион технологиялар қўлланилади» жумласи олиб ташланганига эътибор қаратди.
NASA вакили Аллард Бейтел Guardian газетасига маълум қилишича, АҚШ президентининг федерал агентликларда хилма-хиллик, тенглик ва инклюзивлик (DEI) амалиётини тугатиш тўғрисидаги буйруғи билан ушбу жумла олиб ташланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter