Олмаота 70 йил давомида Қозоғистонннг пойтахти бўлган. Мазкур шаҳарни «жанубий пойтахт» деб атайдилар. Чунки иқтисодий, ижтимоий ва маданий тараққиёти бўйича у йирик мегаполислардан бири ҳисобланади. 2011 йилнинг ёз ойида шаҳардаги катта дарахтларни арралаш ва ўрнига янги кўчатлар ўтқазиш учун бюджет маблағидан 87 млн. тенге ажратилган эди. Бугунги кунга келиб, шаҳар ям-яшил дарахтзорлар билан бурканган.

1. Олмаота Олатоғ ёнбағирларидаги баҳаво ҳудудда жойлашган йирик шаҳар.

2. Олмаота аҳли (ва ҳукумати) гулларни севади.

3. Олмаотада пиёдалар учун йўлаклар ҳар қандай кўча ҳудудида мавжуд.

4. Олмаотада 2022 йилнинг «қонли январь» гувоҳи — икки бино Президент резиденцияси ва Акимат биноларининг аянчли кўринишидан бошқа дилни хира қилувчи (гарчи орадан бор-йўғи 5 ой ўтган бўлса-да) далилларни учратмайсиз.

5. Олмаотада жамоат транспорти қатнови яхши йўлга қўйилган.

6. Олмаота аҳли ям-яшил боғларда сайр қилиб, дам олишни канда қилмайди.

7. Олмаота табиат билан уйғун шаҳар.

P.S.: дарахт жуда кўп экан, суратга олишга халақит берди (ўзбекча ҳазил).

Муҳайё Саидова,
Олмаотадан махсус Xabar.uz учун тайёрлади.