АҚШ маъмурияти 12 май санасидан бошлаб мамлакатга келаётган хорижий фуқаролар учун коронавирусга қарши мажбурий эмлаш талаби бекор қилинганини маълум қилди.

«2021 йил январ ойидан бери COVID-19 билан боғлиқ ўлим ҳолатлари 95 фоизга, касалхонага ётқизилганлар эса қарийб 91 фоизга камайди. Глобал миқёсда COVID-19 ўлими пандемия бошланганидан бери энг паст даражага тушди. 270 миллионга яқин америкаликлар камида бир марта COVID-19 вакцинаси билан эмланди.

Юқоридагиларни инобатга олиб, биз маъмурият 11 майдан кейин халқаро рейсларда келган федерал ходимлар, федерал пудратчилар ва халқаро ҳаво йўловчилари учун мажбурий COVID-19 эмлаш талаби бекор қилинаётганини эълон қиламиз», – дейилади Оқ уй баёнотида.

Қўшма Штатлар 2021 йилнинг ноябр ойидан бошлаб мамлакатга кирувчи хорижликлардан тўлиқ COVID-19 вакциналарини тақдим этишларини талаб қила бошлаган эди.

2023 йилнинг апрелида эса Жо Байден мамлакатда COVID-19 сабабли 2020 йилда жорий этилган фавқулодда ҳолат режимини бекор қилган эди.