АҚШда болалар сув тўппончаси билан содир этилган талончилик учун умрбод қамоқ жазосига ҳукм қилинган жиноятчи озодликка чиқмоқда. New York Post хабарига кўра, у бир неча ўн йиллар қамоқда бўлган.

70 ёшли Ролф Кэстел 1981 йилда содир этган жинояти учун қамоққа ҳукм қилинган. Эркак Арканзас штатининг Форт Смит шаҳридаги тамаддихонага кирган ва ходимларни тўппончага ўхшаш нарса билан қўрқитиб, ундан пул беришларини талаб қилган.

Кэстел ўшанда 264 долларни (замонавий курс бўйича тахминан 792 доллар) талон-тарож қилганди.

Эркак қўлга олинганида, у ҳисобчини ўйинчоқли тўппонча билан қўрқитгани маълум бўлган.

Шунга қарамай, америкалик қуролли талончилик учун умрбод қамоқ жазосига ҳукм қилинган. У умрининг 40 йилини панжара ортида ўтказди.

Инсон ҳуқуқлари ташкилотлари Кэстелни озод қилиш учун кўп йиллар курашдилар. Бундан ташқари, ўйинчоқ тўппонча билан пуллари ўмарилган ошхона ҳисобчиси ҳам эркакнинг озод қилинишини қўллаб қувватлаган.

«Мен тун бўйи ўтирдим ва ўйладим. Бу одам ҳали ҳам қамоқда эканига ишонолмадим. У ўз жинояти учун керак бўлганидан ўн баравар юқори ҳақ тўлади», - деди у.

21 сентябр куни Арканзас жазодан озод қилиш кенгаши матбуот котиби Кэстелнинг илтимосномаси маъқулланганини ва тез орада қамоқдан озод қилиниши мумкинлигини тасдиқлаган.

«Тизим бузилган. Мен Ролфнинг озод қилинганидан хурсандман, лекин 16-асрдан бери такрорланиб келаётган қамоққа олиш ҳақидаги қарашларимиз ўзгариши керак. Афсуски, қамоқхоналар шунга ўхшаш «бўрилар» билан тўла», - дейди Кастелни озод қилиш учун курашган ва у ҳақида ҳужжатли филм суратга олган режиссёр Келли Дуда.