Покистон собиқ президенти Мушарраф ўлим жазосига ҳукм этилди
Покистон собиқ президенти Парвез Мушарраф давлатга хиёнат қилишда айбланиб, ўлим жазосига ҳукм этилди, дея хабар берди «Samaa» телеканали.
Қарор махсус суд ҳайъати томонидан қабул қилинди: уч кишидан иккитаси олий жазо учун овоз берган.
Тергов натижаларига кўра, 2001 йилдан 2008 йилгача Покистонга раҳбарлик қилган Мушарраф 2007 йилда давлатга хиёнат қилган. Ўшанда у фавқулодда ҳолат эълон қилиб, Олий суд аъзоларини ҳибсга олишни буюрган. Ҳукуматнинг ташаббуси билан 2013 йилда Мушаррафга қарши жиноят иши қўзғатилган.
2016 йил мартда, Олий суд мамлакатни тарк этиш тақиқланган шахслар рўйхатидан собиқ президентни чиқариб ташлагандан сўнг 72 ёшли Мушарраф даволаниш учун БААга кетади. Ўшандан бери у Дубайда. Терговга кўра, у суддан яширинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter