Бугун,  7 июл куни истеъфога чиқиши маълум бўлган Россиянинг собиқ транспорт вазири Роман Старовойт Москва вилоятининг Одинцово шаҳрида ўз жонига қасд қилди. Бу ҳақда ўз манбаларга таяниб, “Коммерсант” хабар берди.

Фожиали ўлим ҳақида РИА Новости ҳам ёзган. 

Телеграм каналлари иддао қилишича, бир миллиард рубллик фирибгарлик иши доирасида ҳибсга олинган Курск вилояти собиқ губернатори Алексей Смирнов гўёки Роман Старовойтга қарши кўрсатма берган. Старовойт вилоятни 2024 йилнинг майигача бошқарган, Смирнов эса губернаторнинг биринчи ўринбосари ва вилоят ҳукумати раиси бўлган. 

2024 йил май ойидан бошлаб у Транспорт вазирлигини бошқарган ва Виталий Савелевни лавозимидан четлатган,  ўз навбатида бош вазир ўринбосари бўлган. Старовойт кўп йиллар давомида йўл соҳасида ишлаган. 2012 йилдан бери у "Росавтодор"ни бошқарган ва 2018 йил сентябр ойида у транспорт вазири ўринбосари лавозимига ўтган. 

7 июл куни эрталаб Кремл сайтида Россия президентининг транспорт вазири Роман Старовойтни ишдан бўшатиш ҳақидаги фармони пайдо бўлди. Кремлнинг таъкидлашича, истеъфо ишончни йўқотиш билан боғлиқ эмас, балки "давлат раҳбарининг қарори".

Старовойтнинг ўринбосари бўлган Андрей Никитин транспорт вазири вазифасини бажарувчи этиб тайинланди.